Islandsk utbrot på Cornerteateret
I BIT20 sin konsertserie med fokus på ny musikk frå Norden er turen kome til Island.
I samspel med BIT20 Ensemble vil solistane Thórgunnur Anna Örnólfsdóttir, Jónas Ásgeir Ásgeirsson og Bjarni Frímann Bjarnason presentera tolv islandske verk.
Velkomen til Islandsk minifestival!
Til å leia oss gjennom kvelden har me fått med oss stjernedirigent Bjarni Frímann Bjarnason. Bjarnason er musikalsk leiar for den Islandske Opera og har mellom anna turnert med Björk på turneen “Björk Orchestral” og opptrådd på Coachella.
I samband med BIT20 sin kunstnariske leiar har han kuratert denne minifestivalen som gjennom tre korte konsertar gir oss eit innblikk i den islandske samtidsmusikken.
Mellom konsertane vert det anledning til å nullstilla øyrene og nyta forfriskningar i Cornerbaren. Cornerbaren stiller med eit utval av klassiske islandske forfriskningar som komplementerer den musikalske visitten til sagaøya.
KONSERT 1
Hugi Guðmundsson - Interrobang (15’) NP
Finnur Karlsson - HÝENA-SEM-HEITIR-GÆRDAGUR (11’) NP
Bára Gísladóttir - Animals of your Pasture (23’) NP
Første konsert ut er lengre stykker der me vert introdusert til solist Thórgunnur Anna Örnólfsdóttir. Sopranen er aktiv på den progressive operascena og gjennom hennar song set konserten fokus på det islandske språket.
KONSERT 2
Viktor Orri Árnason - Variasjoner for klaver (6’) NP
Atli Ingólfsson - Radioflakes (9’)
Finnur Karlsson - frå “Fjögur lög með millispilum” (5’) NP
Hjalti Nordal - Boogie brio (4’) UP
Atli Heimir Sveinsson - frå “Lieder und Intermezzi” (5’) NP
Atli Heimir Sveinsson- Haust (2’) NP
Bára Gísladóttir - Beðið (9’) NP
I neste konsert møtar me solist Jónas Ásgeir Ásgeirsson på trekkspel. Seismograf magazine har omtalt spelet hans med følgjande ordlyd: “Det er ikkje berre lufta som vert satt i rørsle i trekkspelet til Jónas Ásgeir Ásgeirsson - nasjon, natur og historie vert og flytta på”. I tillegg vil ein få oppleva Bjarni Frimann Bjarnason på klaver.
KONSERT 3
Atli Ingólfsson - Object of Terror (15’) NP
Turídur Jónsdóttir - Installation Around A Heart (10’) NP
Atli Heimir Sveinsson - Icelandic Rapp V (7’) NP
På den siste konserten vil òg ensemblet bidra med vokal.
Cornerteateret har toalettfasiliteter tilrettelagt for rullestolbrukarar.
Ledsakarar har gratis adgang.
Dørene opnar 17:00.